Showing posts with label Həyat. Uşaqlar.. Show all posts
Showing posts with label Həyat. Uşaqlar.. Show all posts

Sunday, 25 September 2016

Uşaqları ruhlandırmağı unutmayaq

Ənənəvi Azərbaycan ailəsində uşaqları, xüsusən də qızları tərifləmək dəbdə deyil. Belə bir stereotip var ki, təriflənən uşaqlar, yenə də xüsusən qızlar çaşıb, "yolunu aza" bilər. Bəzən isə valideynlər uşağı tərifləyərək onun hamıdan üstün olduğunu aşılayır ki, bu da uşağı çaşdırır. Rəfiqəm sayəsində aşağıdakı videoya baxdım. İnğiliscə bilməyən həmvətənlilərim üçün tərcümə edirəm. Hesab edin subtitrdır. Bölüşün, daha çox adam baxsın, oxusun.

Ata qızına məktəbə getməzdən əvvəl, güzgünün qarşısında həvəsləndirici sözlər dedizdirir. İlk öncə deyir ki, özünə bax, gözlərinin içinə bax, gərək özünü görəsən, dediklərini hiss edəsən. Soruşur "Hazırsan? Məktəbə hazırsan? Bu gün yaxşı gün olacaq? Sən pozitiv olacaqsan?" Qızı "hə" cavab verir.

Ata: "De, qızım. Mən güclüyəm."
Balaca: "Mən güclüyəm."
Ata: "De, mən ağıllıyam."
Qızı: "Mən ağıllıyam."
Ata: "De, mən çox çalışıram."
Qızcığaz: "Mən çox çalışıram."
Ata: "De, mən gözələm."
Şirin: "Mən gözələm."
Ata: "De, mən hörmətciləm."
Bala: "Mən hörmətciləm."
Ata: "De, mən heç kimdən yaxşı deyiləm."
Balaca: "Mən heç kimdən yaxşı deyiləm."
Ata: "De, heç kim məndən yaxşı deyil."
Qızı: "Heç kim məndən yaxşı deyil."
Ata: "De, mən heyranediciyəm."
Uşaq: "Mən heyranediciyəm."
Ata: "De, mən əlayam."
Qızı: "Mən, əlayam."

Sonra ata qızından adını soruşur və davam edir "Yıxılsan, nə edərsən?" Qızı: "Yenidən ayağa qalxaram." Ata: "Sən kimsən?" Qızı: "Mən bəxtəvərəm." Ata deyir: "Tanrıya de ki, sağ ol ki, məni əla yaratmısan. Məndən yaxşısı yoxdur." Uşaq atanın dediklərini təkrar edir.
Və ata qızına amerikansayağı deyir "beş vur" və öpüş alır.

Wednesday, 11 May 2016

Cмелость

Сегодня наш 6-летний Məcid впервые за три-четыре месяца, что ходит на баскетбол, попал в корзину. У него был настоящий экстаз и мы решили немного отметить его успех. Я хотела написать об этом и вот наткнулась на это видео. В конце цитата "страх лжет, научись побеждать его". Будучи самым младшим и меленьким в группе, не смотря на тяжелый мяч Məcid-у все это было абсолютно все равно. Ему понравилась игра и все остальное было не важно. Мы учимся смелости у него. Теперь мы дома говорим "Верь в себя. Будь, как Məcid!"

Cəsarət

Bu gün Məcid 3-4 ay basketbola gedəndən sonra nəhayət ki, topu səbətə saldı. O qədər sevindi ki, dedik bu kiçik qələbəsini qeyd edək. Bu barədə yazmaq istəyirdim ki, aşağıdakı video qarşıma çıxdı. Sonunda sitat var "qorxu aldadır, qorxunu üstələməyi öyrən". Qruppada hamıdan kiçik və balaca olsa da, top ondan ağır olsa da, Məcid heç nəyə məhəl qoymadı, oyun xoşuma gəlir, oynayacam dedi. Mən cəsarəti ondan öyrənirəm. İndi evdə deyirik ki, "Özünə inan. Məcid kimi ol!"
https://www.facebook.com/arthurmoorepage/videos/974895745936571/?pnref=story